“Монгол Жангар” туулийг номын сангуудад бэлэглэлээ

Хувьсгалт тэмцлийн ахмад зүтгэлтэн, Ч.Лодойдамбын нэрэмжит шагналт, түүхч, ахмад зохиолч, Жангар, Гэсэр судлаач, Ардын аман билэгзүйч Д.Суръяагийн эмхэтгэсэн “Монгол Жангар” туулийг дэлгэрүүлэхээр “Дас ихэр” сангаас Швейцарын хөгжлийн агентлагийн санхүүжилтээр хэвлүүлж Улсын хэмжээний 376 нийтийн номын сангуудад хандивлах үйл ажиллагааны нээлтийн арга хэмжээ 2019.11.18-ны өдрийн 10 цагт МУҮНС-ийн “Үнэт ховор номын музейд боллоо. Ном хандивлах үйл ажиллагаанд Монгол Улсын Ерөнхий сайд У.Хүрэлсүх, Монгол Улсын Ерөнхий сайдын зөвлөх Н.Хүрэлбаатар, УИХ-ын гишүүн Б.Жавхлан, БСШУСпортын Дэд сайд Г.Ганбаяр, ЗГХА Соёл урлагийн бодлогын газрын дарга Г.Эрдэнэбат, зохиолч Д.Сүръяагийн үр хүүхдүүд болон нийслэлийн нийтийн номын сангуудын төлөөлөл хүрэлцэн ирж оролцлоо. Номын сангуудын төлөөлөл номыг дээжийг МУ-ын Ерөнхий сайдаас гардан авлаа.