СБД-ийн 1 дүгээр хорооны 23-р байрны I орцонд хөл хорио тогтоолоо

Сүхбаатар дүүргийн 1 дүгээр хорооны 23-р байранд батлагдсан тохиолдол гарсантай холбогдуулан 2021 оны 01 дүгээр сарын 25-ны өдөр тус байрыг цагдаагийн хамгаалалтад авч, Эрүүл мэндийн төвийн Явуулын шинжилгээний 2 баг оршин суугчдаас тандалт, шинжилгээ авсан. Шинжилгээнд хамрагдсан 90 өрхийн 199 иргэнээс коронавируст халдварын нэг шинэ тохиолдол батлагдаж, ХӨСҮТ-д тусгаарлаад байгаа. Дүүргийн Онцгой комиссоос коронавируст халдвар батлагдсан тус байрны 1-р орцонд хөл хорио тогтоон цагдаагийн хамгаалалтад авч, оршин суугчдын судалгааг нягтлан хүнсний болон бусад дэмжлэг үзүүлэх ажлыг зохион байгуулахаар ажиллаж байна.