Архи, согтууруулах ундаа зарж байсныг илрүүллээ

Тухайлбал, Дархан-Уул аймгийн харьяат Б нь “+21” фэйсбүүкт “… архи зарна…” гэсэн зарыг байршуулж Баянгол дүүргийн нэгдүгээр хороо “А” нэртэй зочид буудлын гадна бусдад 12 ширхэг архи, ширхэг виски зарж байсныг,

Баянзүрх дүүргийн зургаадугаар хорооны нутаг дэвсгэрт С нь өөрийн эзэмшлийн “приус-20” маркын машинтайгаа таван нэр төрлийн 18 шил архи, 22 ширхэг шар айраг зарж байсныг

Баянзүрх дүүргийн 13 дугаар хороо “Х” нэртэй зочид буудлын захирал “Б” нь архи, шар айраг зарж байсныг илрүүлжээ. Эдгээр үйлдлийг Баянгол болон Баянзүрх дүүрэг дэх цагдаагийн нэгдүгээр хэлтэст шалгуулахаар шилжүүлсэн байна.

Цаг үеийн нөхцөл байдалд уялдуулан тус цагдаагийн газар дээр шуурхай штаб ажиллаж байгаа тул иргэд хууль бус үйл ажиллагааны талаар цагдаагийн байгууллагад яаралтай мэдэгдэнэ үү.

Дүүрэг дэх цагдаагийн хэлтсүүдийн алба хаагчид мэргэжлийн хяналтын улсын байцаагч нартай хамтран хариуцсан дүүргийн нутаг дэвсгэрт архи, согтууруулах төрлийн зүйл худалдан борлуулдаг, түүгээр үйлчилдэг 4346 аж ахуйн нэгж, 710 иргэнийг шалгаж, 175 аж ахуйн нэгжийн үйл ажиллагааг нь зогсоож, 3949 аж ахуйн нэгжид албан мэдэгдэл өгч, 1393 шил архи, 3945 шил шар айргийг битүүлжилж, 33 үил архи, 40 шил шар аайраг, нэг шил дарсыг хураан авчээ. Мөн тусгай зөвшөөрөлгүй таван аж ахуйн нэгжийн үйл ажиллагааг зогсоож, гар дээрээс согтууруулах ундаа худалдан борлуулж байсан нэг иргэн, нэг аж ахуйн нэгж, бусад хоёр зөрчлийг илрүүлэн шалгаж байна гэж Улаанбаатар хотын Цагдаагийн газраас мэдээллээ.