Аз нь шовойсон аавын хүү хэн нь бол,харах л үлдэв

МАН,АН-аас хэнийг Ерөнхийлөгчид нэр дэвшүүлэх вэ гэдгээ шийдэж,дотоод сунгаандаа цэг тавилаа. МАН-ын хувьд Бага хурлаараа М.Энхболд,Ц.Нямдорж хоёрыг оруулж хэлэлцээд М.Энхболдыгоо дэвшүүлье гээд ярсхийтэл санал нэгдсэн. АН-ын дотоод санал асуулгын дүн өчигдөр орой 20:00 цагт дуусч санал тоолов.

АН энэ удаа Ерөнхийлөгчид нэр дэвшихийг хүссэн зургаан эрхмийг дотооддоо өрсөлдүүлсэн. Санал хураалтын дүн гарахад хамгийн өндөр оноог УИХ-ын гишүүн асан Х.Баттулга авлаа. Түүний өрсөлдөгчдөөс УИХ-ын гишүүн асан Р.Амаржаргал сунгаанд аман хүзүүдлээ. МАХН-ын хувьд энэ удаагийн сонгуульд өрсөлдөх үү гэдгээ шийдэх үлдлээ. Уг нь тус намаас Н.Энхбаярыг нэр дэвшүүлнэ гэж нэлээд эртнээс санал нэгдсэн тухай яригдаж байсан.

Гэвч тэрээр нэр дэвших боломжгүй болсон. Учир нь эрх баригчид түүний “ял эдлэх хугацаа дуусаагүй” гэсэн. Шүүхийн шийдвэр тэгж гарсан тул Н.Энхбаяр дөрөв дэх удаагаа сонгуульд оролцрх эрхгүй болов. Энэ удаагийн сонгуульд хэнийг нэр дэвшүүлэхээ ярилцах бага боловч хугацаа МАХН-д байгаа тул чимээ чагнах үлдэв. Магадгүй тус нам энэ удаа аль нэг намыг дэмжиж оролцож ч мэднэ. Ямартай ч МАН,АН нэр дэвшигчээ тодрууллаа. Тэдний хэн нэг нь сонгогдож таарна. Харах л үлдэв.Аз нь шовойсон аавын хүү хэн нь бол.

Н.Намуун