ТЕГ-ын удирдлагууд оюутан, сурагчдад хичээл заалаа

Татварын Ерөнхий газраас жил бүрийн  тавдугаар сарын хоёр дахь долоо хоногт уламжлал болгон зохион байгуулдаг “Татвар төлөгчдийн өдрүүд”-ийн нээлт Татварын Ерөнхий газрын нэг давхарт боллоо. Нээлтийн үйл ажиллагаанд ТЕГ-ын дарга Л.Зориг, ТЕГ-ын дэд дарга Б.Заяабал, ТЕГ-ын ТЗУГ-ын дарга Б.Алтансүх, ТЕГ-ын ТУХАГ-ын дарга Б.Бадрал, ТТХГ-ын дарга Д.Цогзолмаа, ТОГ-ын дарга Д.Цогтжаргал, Татварын үйлчилгээний төвийн дарга Б.Ганболд тэргүүтэй албаны хүмүүс оролцлоо.

Нээлтийн үеэр Татвар төлөгчдөд үйлчлэх танхимын нээлтийг хийж, ЕБС, их дээд сургуулиудын оюутан, сурагч, багш нарын дунд зарласан гар зураг, зохион бичлэг, хөлөгт тоглоомын  уралдаанд түрүүлсэн бүтээлийн шагналыг гардууллаа.

Үүний дараа ТЕГ-ын дарга “Татвар төлөгчдөд үйлчлэх танхим”-д хүрэлцэн ирсэн дунд сургуулийн сурагчдад “Би –Ирээдүйн татвар төлөгч” хичээлийг заасан бол ТЕГ-ын дэд дарга Б.Заяабал 5-р сургуулийн ахлах ангиудад, ТЗУГ-ын дарга Б.Алтансүх 2-р сургуулийн ахлах ангид, ТУХАГ-ын дарга Б.Бадрал СЭЗДС-ын оюутнуудад, ТОГ-ын дарга Д.Цогтжаргал, ТТХГ-ын дарга Д.Цогзолмаа 48-р сургуулийн ахлах ангид, Татварын үйлчилгээний төвийн дарга Б.Ганболд “Татвар төлөгчдөд үйлчлэх танхим”-д ахлах ангийн сурагчдад, Эрсдэлийн удирдлагын хэлтэсийн дарга Г.Энхжаргал 51-р сургуульд, Хуулийн хэлтэсийн дарга Б.Болдбаатар ОМХ 3-р сургууль, Мэдээлэл статистикийн хэлтэсийн дарга Г.Батсайхан 33-р сургууль, Санхүү, хөрөнгө оруулалтын хэлтэсийн дарга Н.Бямбаа 3-р сургууль, Сургалтын төвийн дарга Б.Бадамцэцэг 20-р сургуулийн ахлах ангид хичээл заах аж.

  “Би –Ирээдүйн татвар төлөгч” хичээл улс орон даяар явагдах бөгөөд 370 гаруй ЕБС, их дээд сургуулиуд хамрагдах юм. Энэхүү хичээлийн гол агуулга нь татвар гэж юу вэ?, татварыг бид яагаад төлөх ёстой байдаг, ард иргэдийн төлсөн татвар нь хэрхэн зарцуулагддаг вэ? гэсэн татварын суурь ойлголтын талаар мэдээлэл өгч, татвар төлөх ухамсарыг төлөвшүүлэх юм.