“Нисдэг ном” онлайн дэлгүүр нээлтээ хийлээ

Бидний эцэг эх, өвөө эмээ их ном уншдаг байсан. Харин сүүлийн үед энэ даяаршлын эринд интернэт, цахим хэрэглээ ихэссээр төдийлэн ном товхимол бага уншдаг болжээ. Тэгвэл тун саяхан цахим сүлжээг ашиглан хэвлэмэл ном товхимолыг иргэдэд хурдан шуурхай хүргэж үйлчилдэг нэгэн цоо шинэ үйлчилгээ шинээр нээгдсэн байна.

Энэ бол нисдэг ном онлайн дэлгүүр юм.

Тус онлайн дэлгүүр нь зохиогч, орчуулагчдын албан ёсны эрхтэйгээр хэвлэмэл ном товхимолуудыг уншигч нарт үнэ төлбөргүй хүргэж үйлчлэхээрээ тун онцлогтой аж.

Мөн та www.nisdegnom.mnсайтаар зочлон сүүлийн үед эрэлт хэрэгцээтэй ном, шинэ бүтээлүүдтэй танилцах боломжтой юм. Нисдэг ном онлайн дэлгүүр энэ сарын 4-нд буюу өнгөрөгч амралтын өдөр нээлтийн үйл ажиллагаа зохион байгуулж, эрхэм зохиолчдын төлөөллийг урж оролцуулжээ.

Энэ үеэр азтан шалгаруулж зохиолчдын гарын үсэгтэй бүтээлийн дээжээс бэлэглэсэн юм. Цаашид уг онлайн дэлгүүрийн хамт олон ном шимтэн уншигч нартаа зориулан олон сайхан үйл ажиллагаа болон шинэ санаачлагуудыг хүргэнэ гэдгээ илэрхийллээ. Номын цагаан буян дэлгэрэх болтугай.