Х.Баттулга, М.Энхболд нарын хооронд дахин санал хураалт явагдана

Монгол Улсын Ерөнхийлөгчийн сонгуульд АН-аас нэр дэвшигч Х.Баттулга, МАН-ын нэр дэвшигч М.Энхболд нарын хооронд дахин санал хураалт явагдах нь тодорхой болоод байна.

Учир нь нэр дэвшигчид 50+1 хувийн санал авснаар ялалт байгуулах ёстой билээ. Ерөнхийлөгчийн сонгуульд хоёр дахь санал хураалт явуулах тухай

-105.1-д “Ерөнхийлөгчийн сонгуульд нэр дэвшигчдийн хэн нь ч анхан шатны сонгуулийн нэгдсэн дүнгээр олонхийн санал аваагүй бол хамгийн олон санал авсан хоёр хүнийг хоёр дахь санал хураалтад оруулна”, -105.2-т “Сонгуулийн төв байгууллага хоёр дахь санал хураалтыг анхны санал авсан өдрөөс хойш 14 хоногийн дотор зарлан, зохион байгуулна” гэж заажээ.

Тиймээс 1984 хэсгийн хорооны мэдээг нэгтгэхээс 1981 хэсгийн хорооны урьдчилсан мэдээллээр Х.Баттулга 517151, М.Энхболд 411154, С.Ганбаатар 409767 иргэний санал авснаар дахин санал хураалтад эхний хоёр нэр дэвшигч тунах нь тодорхой болов.

Харин сонгогчдын ирцийн хувьд 22:00 цагийн байдлаар аймгуудын дундаж 65.53 хувь, нийслэлийн дундаж 66.73, улсын дундаж 66.54 хувийн ирцтэй байсан талаар СЕХ-ноос мэдээлсэн билээ.