“Сонгинохайрхан 25 жил-Эрүүл мэндийн өдөрлөг” энэ сарын 16-нд болно

Нийслэлийн Сонгинохайрхан дүүрэг үүсгэн байгуулагдсаны 25 жилийн ойн хүрээнд энэ сарын 16-нд “Сонгинохайрхан 25 жил-Эрүүл мэндийн өдөрлөг” болох гэж байна. Энэхүү өдөрлөгийг Сонгинохайрхан дүүргийн эрүүл мэндийн төв болон П.Н.Шастины нэрэмжит улсын гуравдугаар төв эмнэлгээс хамтран зохион байгуулах ажээ.

Тус өдөрлөгийн хүрээнд:

• Зүрх судас, зүрхний шигдээс – эмчийн үзлэг
• Мэдрэл, мэдрэлийн мэс засал – эмчийн үзлэг
• Чих хамар хоолой – эмчийн үзлэг
• Нүд – эмчийн үзлэг
• Эрүүл зөв хооллолтын зөвлөгөө
• Эрүүл мэндийн зөвлөмж
• Цусан дахь сахар, артерийн даралт үзэх зэрэг эмнэлгийн тусламж, үйлчилгээ, мэдээлэл, зөвлөмжийг Сонгинохайрхан дүүргийн ард иргэдэд хүргэхээр төлөвлөжээ.

“Сонгинохайрхан 25 жил-Эрүүл мэндийн өдөрлөг”ирэх бямба гарагт “Соёомбо” кинотеатрын гадна талбайд 10:00–16:00 цагийн хооронд зохион байгуулагдана.