НИТХ-ын төлөөлөгч П.Баярхүү өөрийн сонгогдсон тойргийн ахмадуудаа хүлээн авч, хүндэтгэл үзүүллээ

“Олон улсын Ахмадын өдөр”-ийг тохиолдуулан НИТХ-ын төлөөлөгч П.Баярхүү өөрийн сонгогдсон тойрог болох Сүхбаатар дүүргийн 17,18,19,20 дугаар хорооны АХМАДУУДАА 2017 оны 09 дүгээр сарын 30, 10 дугаар сарын 01, 02-ны өдрүүдэд хүлээн авч хүндэтгэл үзүүлэн, гарын бэлэг гардууллаа.

НИТХ-ын төлөөлөгч П.Баярхүү ахмадуудад баярын мэндчилгээ дэвшүүлээд, уламжлалт уулзалтад хүрэлцэн ирсэнд талархал илэрхийлж, урт насалж удаан  жаргахыг ерөөлөө.  Тэрбээр хэлсэн үгэндээ “ Улс эх орныхоо төлөө хоёргүй сэтгэлээр хичээнгүйлэн зүтгэж, түүхэн цаг үеийн үүрэг хариуцлагыг бие сэтгэлдээ үүрч ирсэн, ажил амьдралын арвин их туршлагатай ахмад буурлуудаараа  бид цаг ямагт бахархаж явдаг билээ. Ахмадуудынхаа үгийг сонсоно гэдэг ямарваа нэгэн алдаа гаргахаас урьдчилан сэргийлнэ гэсэн үг. Энэ ч утгаараа ахмадуудынхаа арвин туршлага, ур чадварыг үргэлжлүүлэн  олон ажил хийж бүтээхийн төлөө ажиллах болно.”хэмээлээ.

Мөн энэ үеэр ахмадууд бидний бүтээн босгосон их үйлсийг цэцэглүүлэн хөгжүүлж яваа  удирдлагууддаа  талархаж буйгаа илэрхийлээд, цаашдын ажил  хөдөлмөрт нь улам их амжилтыг хүслээ.