‘’Ногоон гэрэл цагаан шугам-2017’’-ийн шилдгүүд тодров

Энэхүү тэмцээнд дүүргийн 22 сургуулийн баг оролцож ‘’Гэрийн даалгавар, Мэндчилгээ, Хамтдаа, Буухиа тэмцээн, Урлагийн тоглолт’’ гэсэн 5 төрлөөр өрсөлдөж шилдгүүдээ шалгаруулсан билээ. Тэмцээнд нийлбэр дүнгээр 111 дугаар сургуулийн ‘’Цагаан шонхор’’ баг тэргүүлсэн бол 79 дугаар сургуулийн ‘’Зохицуулагч’’ баг удаалсан юм. Харин гутгаар байрыг 84 дугаар сургуулийн ‘’Өсвөрийн цагдаа’’ баг эзэлжээ.

  Дашрамд мэдээлэхэд энэ удаагийн ‘’Ногоон гэрэл цагаан шугам-2017’’ тэмцээнийг Баянзүрх дүүргийн Засаг даргын Тамгын газар, Нийгмийн хөгжлийн хэлтэс, Цагдаагийн хэлтэс, Замын цагдаагийн хэлтэс болон Дэлхийн зөн олон улсын байгууллага хамтран зохион байгууллаа.  Тэмцээнд оролцсоноор хүүхдүүд замын хөдөлгөөнд зөв боловсон оролцох дадалтай болохоос гадна замын хөдөлгөөний аюулгүй байдлыг хангахтай холбоотой хууль, дүрмийн болон анхны тусламжийн мэдлэг олж авдаг аж хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.