Охиныг хаана байгааг хэлээд 50 сая төгрөг авах зөн билэгтэн Монголд байна уу

Дорноговь аймгийн Замын-Үүд суманд хичээлдээ явахаар  гараад алга болсон Д.Сэржмядаг охин хаана яаж яваа бол. Хичнээн ч олон хоног эрэл сурал болов доо. Аргаа барсан эцэг эх нь дээшээ тэнгэр хол,доошоо газар хатуугийн зовлонг эдэлж  байна,хөөрхийс. Монголд байдаг нөгөө олон бөө удган,мэргэн түргэн үзмэрч нар яагаад гэгээн мэлмийдээ хараад өгөхгүй байна вэ. Өөрийн үрээс ялгаагүй нялх амьтан алга болчихоод 10 гаруй хонож байхад сэтгэл зүрхтэй болгон шаналж байна. Зөн билгийн тулаанд ороод байдаг зөнчид хааччих нь энэ вэ. Монгол зөн билэгтнүүдээ голоод Оросоос шилдгүүдийг нь урьж залж авчраад мөнгө хүүлээд байдаг эмэгтэй энийг л тэд нараасаа асуумаар юм биш үү. Олон жилийн өмнө Марз ууланд МИАТ-ийн онгоц унахад Монголын бүх идтэн шидтэнүүдээс нэг нь ч осол болсныг олж хараагүй дээ,зайлуул. Хэлсэн болгон нь худлаа байсан болохоор тэд бүгдээрээ үнэн нүүр царайгаа харуулаад дууссан. Тэд нарт мөнгөө барьж юм асуудаг хүмүүс нь очихоо больсноос орлого нь хаагдаж хэсэгтээ л баларсан. Хэрэв бяцхан охинтой юу тохиолдсоныг үнэнээр хэлчих “үздэг,хардаг” хүн байвал “Тэр 50 сая төгрөгийг авчихаач дээ”. Тийм хоншоортой мэргэч, төлгөч, бөө зайран Монголд алга даа. 50 сая төгрөгнөөс татгалздаг зөн билэгтэн Монголд л байдгийг бүгд харлаа,чааваас гэж…

Н.Дөл