Нийтийн эзэмшлийн зам талбайд түлээ, нүүрс заруулахгүй

2017 оны 11-р сарын 27 өдөр, 15 цаг 44 минутад нийтэлсэн (Сэтгэгдэл үлдээх )
nuurs

Cүхбаатар дүүргийн нутаг дэвсгэрт авто зам дагуу нийтийн эзэмшлийн зам, талбай дээрээс зөвшөөрөлгүй түлээ, нүүрсний худалдаа хийж буй газруудад дүүргийн Засаг даргын дэргэдэх Худалдаа, үйлчилгээг Зохицуулах зөвлөлөөс баталсан удирдамжийн дагуу шалгалт явууллаа. 

Цагдаагийн 2 дугаар хэлтэс, 9, 11-16 дугаар хороодын Засаг даргын Ажлын албатай хамтран шалгалтыг явуулж, зөрчилтэй 50 иргэнд албан ёсны мэдэгдэл хүргүүлж өөрсдийн хашаа болон зориулалтын цэгээс худалдан борлуулах шаардлага тавин ажиллаж байна.

Мөн шаардлага хангасан түлээ, нүүрсний цэгүүдтэй Хамтран ажиллах гэрээ байгуулахаар 9, 12, 13, 14, 15, 16 дугаар хорооны иргэний танхимд нийт 55 иргэнтэй Хүнс, худалдаа, үйлчилгээний хэлтсийн дарга болон хариуцсан мэргэжилтэн, хорооны Засаг дарга, хэсгийн байцаагч, цагдаа нарын хамт уулзалт зохион байгуулж, холбогдох хууль тогтоомж болон хамтран ажиллах гэрээний танилцуулга хийж, иргэдийн санал хүсэлтийг авч Хамтран ажиллах гэрээ байгуулж эхлээд байна.

nuurs1

Share the post "Нийтийн эзэмшлийн зам талбайд түлээ, нүүрс заруулахгүй"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх