“Залуу мөрдөгчид” сурагчдын амралтанд зориулж IPTV-д орлоо

2017 оныг байлдан дагуулсан, үзэгчдийн сэтгэлд нийцсэн уран бүтээл болох “Про стар” филмийн “Сайн аав” уран сайхны кино гэж дуу нэгтэй хүн бүр хэлнэ. Тэгвэл “Сайн аав” киноны уран бүтээлчид буюу “Про стар” филмийн уран бүтээлчид цоо шинэ уран бүтээлээр “Тэнгис кино театр”-т нээлтээ хийн үзэгч та бүхэнтэйгээ учран золгосон билээ .

Уг бүтээл нь “Залуу мөрдөгчид” адал явдалт кино нэртэйгээр алдрай бяцхан хүүхдүүдэд маань үзэх юмгүй боллоо гэж кино шүүмжлэгч, алтан үеийхний жинхэнэ хүлээлт болж байсан кино юм. Хүүхдүүдэд сургамжтай, үлгэр дуурайлал үзүүлэхүйц киног бүтээж байна гэж уран бүтээлчид нь ам гарч байсан удаатай.

Тэгвэл “Про стар” филмийн дараагийн уран бүтээл болох “Залуу мөрдөгчид” Монголын уран сайхны кино нь IPTV – гээр гарч эхлээд байна. Хүүхэд багачуултайгаа таалан соёрхоорой.