Дөрвөлжин сумын уугуул иргэд малчдадаа туслахаар нэгджээ

Завхан аймгийн Дөрвөлжин сумын нутгаар цас их орж,огцом хүйтэрч байна. Тус сумын  Засаг даргын Тамгын газраас сумын хэмжээнд зудын байдал үүсч,өвөлжилт хүндрэх төлөвтэй болсныг нутгийнхандаа сэрэмжлүүлэн анхааруулжээ. Шинэ он гарсаар  эхний 7 хоногийн байдлаар мал ихээр хорогдож байгаа аж.  Сумын  онцгой комисс, Мал эмнэлэг үржлийн тасгаас “Малчдадаа тусалъя” аяныг эхлүүлээд байна. Улаанбаатар дахь нутгийн зөвлөлийнхөн уг аянд нэгдэж байгаагаа мэдэгдээд  нутгийн уугуул иргэддээ хандаж малчдад туслах аянд оролцохыг уриалжээ. Уриалгад “Өнгөрсөн зун  сумын хэмжээнд хур тунадас бага орж, гантай байсан тул нийт нутгаар өвс, ургамлын  гарц муу байсныг нутгийн иргэд та бүхэн мэдэж байгаа. Тиймээс бүгдээрээ аянд нэгдэж, малчдадаа тусалъя” гэсэн байна.

Н.Дөл