Дорнод аймагт техникийн шингэн ууж хордсон иргэдийн биеийн байдал сайжирч, эмнэлгээс гарчээ

2018 оны 01-р сарын 16 өдөр, 18 цаг 00 минутад нийтэлсэн (Сэтгэгдэл үлдээх )
26996762_1280839338714228_2028359642_n (1)

Дорнод аймгийн Гурванзагал сумын 2-р багийн нутаг Цавт гэх газарт 2018 оны 01 сарын 11-ний өдөр 10 иргэн нэр нь үл мэдэгдэх шингэн ууж, хордсон харамсалтай хэрэг гарсан.

Аймгийн Онцгой комисс хуралдан, яаралтай арга хэмжээ авч, ажлын хэсэг, шуурхай бүлгийг томилон ажиллуулсан. Анхны дуудлагын дагуу Бүсийн оношилгоо, эмчилгээний төвийн эрчимт эмчилгээний яаралтай түргэн тусламжийн баг Дашбалбар суманд ажиллаж, өвчтнүүдийг БОЭТ-д шилжүүлэн, эрчимт эмчилгээ хийсэн юм.

Уг явдлын улмаас Улаанбаатар хотын харьяат 47 настай иргэн Т Дашбалбар сумын эмнэлэгт зүрх нь зогссон байдалтай хүргэгдэн ирж нас барсан, нэг иргэний биеийн байдал хүнд, найман иргэн хордлогын шинжтэй эмчлүүлж байсан. Өнөөдрийн байдлаар биеийн байдал хүнд байгаа нэг иргэнийг эрчимт эмчилгээний тасагт эмчилж байна. Бусад найман иргэний биеийн байдал сайжирч, эмнэлгээс гараад байна.

Share the post "Дорнод аймагт техникийн шингэн ууж хордсон иргэдийн биеийн байдал сайжирч, эмнэлгээс гарчээ"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх