Авто угаалгын газарт хонуулсан 6 машин шатжээ

Өнгөрсөн ням гаригийн өглөөний 08 цагийн үед Чингэлтэй дүүргийн нутаг дэвсгэрт байрлах авто угаалгын газарт гал гарчээ. Галын улмаас угаалгын газарт байсан 6 машин шатсан байна. Угаалгын газарт дулаан гараашийн зориулалтаар машинаа тавьсан иргэн Э-ийн “Истана” загварын хоёр машин, Тоёото Истима, иргэн Б-гийн “Мицубүши Пажеро”, иргэн Ц-гийн “СМ-7”, иргэн М-ийн “Тоёото Королла” автомашин шатжээ. Онцгой байдлын гал сөнөөгчид дуудлагаар цаг алдалгүй очсоноор галыг түргэн шуурхай унтраасан байна.

Эх сурвалжийн мэдээлж буйгаар, уг авто угаалгын газар иргэн Г-ийн эзэмшлийнх гэнэ. Өглөөгүүр хүмүүс машинаа аваагүй байхад гал гарсны учрыг олохоор цагдаа болон мэргэжлийн байгууллагынхан ажиллаж байна.