Нийгмийн даатгалын ажилтнууд дохионы хэл сурч, хөгжлийн бэрхшээлтэй иргэдэд шуурхай үйлчилнэ

Нийгмийн даатгалын ерөнхий газар нь Хөдөлмөр, нийгмийн хамгааллын яамны харъяа агентлагийн тухайд хөгжлийн бэрхшээлтэй иргэдэд чиглэсэн бодлого, үйл ажиллагаа явуулж ирсэн.
Энэ удаад нийгмийн даатгалын үйлчилгээг хөгжлийн бэрхшээлтэй иргэдэд чирэгдэлгүй хүргэх зорилгоор “Дохионы хэлний харилцаа” сэдэвт сургалтыг зохион байгуулж 25 байцаагч, ажилтанд дохионы хэлний анхан шатны мэдлэг олголоо.
Сонсгол, хэлний бэрхшээлтэй иргэд нийгмийн даатгалын байгууллагаас үйлчилгээ авахад заавал хэлмэрч шаардлагатай болдог эсвэл бичгээр харилцдагаас хүндрэл үүсэх, хугацаа алдах асуудал гардаг байсан бөгөөд ийнхүү нийгмийн даатгалын ажилтнуудад дохионы хэл сургаснаар дээрх асуудлыг шийдвэрлэх боломж бүрдэж байгаа юм.