Бүтээгч үе ирсэнийг эмэгтэйчүүдийн жагсаал илэрхийллээ

Бүтээн байгуулалтын он тоолж эхэлсэнтэй холбогдуулан Бүтээхч Цаг, Бүтээгч Үе, Бүтээлч залуу байх уриалгыг дэвшүүлж залуу хүн бүрийг бүтээлч санаа, бүтээлч мөрөөдөл, бүтээлч хүсэлтэй байхыг уриалан НЭГ ДЭЛХИЙ-НЭГ ХҮСЭЛ уриан дор “Хүчирхэг эмэгтэйчүүд амар тайвны гүүр болдог” тайван жагсаалыг 4 дэх жилдээ амжилттай зохион байгууллаа. Энэ жилийн жагсаалд зөвхөн эмэгтэйчүүд төдийгүй эрчүүд дуу хоолойгоо нэгтгэсэн бөгөөд Их Монгол Хүүхдийн Холбоо, МЗХ-ны дэргэдэх клубууд, Монголын Тэргэнцэртэй иргэдийн Холбоо, Монголын Хараагүй иргэдийн холбоо, Deaf иргэд,Даунтай хүүхдүүдийн эхчүүд, Олны танил эмэгтэйчүүд, гадаад оюутнуудын төлөөлөл болсон нийт 150 гаруй залуус оролцон үзэл бодлоо илэрхийлсэн юм. Уг жагсаал тэмцлийн хэлбэртэй биш уриалгын шинжтэй, тайван замаар нийгэмд эерэг хандлагыг бий болгохыг зорьсон байна. Тус жагсаал 11.00 цагт МЗХ төв байрны дэргэдээс эхэлсэн юм. Тайван жагсаал Энхтайваны гүүр хүртэл 1200 метр замаар алхаж , буцахдаа Сүхбаатарын талбай, МЗХ төв байр гэсэн маршрутаар өрнөлөө. Энэ удаагийн жагсаалын онцлог нь олон улсын төлөөллүүд өөрсдийн үндэсний хувцсаараа гоёж оролцжээ.

Тайван жагсаалд оролцогчдын уриалгыг та бүхэнд хүргэж байна:

            -Бид “Монгол Эр Хүн” –ийг хайж байна

-Монголын ирээдүйг бүтээхэд бид бэлэн байна уу?

-Эмэгтэй хүн, Эх хүн байгаль болоод нийгэмд ямар үүрэг гүйцэтгэдэг юм бол

-Хүн төгс төгөлдөр ирдэг түүндээ тэнцэх гэж хөгжиж боловсордог. Ямар замаар хэрхэн хүрдэг юм бол?

-Жендэр хий үзэгдэл үү? Эсвэл бодит үзэгдэл үү?

-Эдлэх гэж эрх байдаг уу? Олох гэж эрх байдаг уу?

-Мэдлэг хаана байдаг юм бол түүнд хүргэдэг арга зам нь юу юм бол?

-Дэлхийн бүх Ижий нар, Монголын бүх Ижий нар утга учиртайгаар баясан цэнгэдэг тийм сайхан цагийг хамтдаа бүтээцгээе ?

-Бидний Монголчууд эвлэн нэгдэж Их Монголын хувь заяаг эргүүлэн бүтээх их үйл хэрэгт оройлон манлайлцгаая. Эмэгтэйчүүд ээ? гэх мэт уриалгуудыг дэвшүүлсэн байна.