У.Доёдын нэрэмжит математикийн улсын олимпиад Дорноговь аймагт болно

2018 оны 03-р сарын 22 өдөр, 13 цаг 54 минутад нийтэлсэн (Сэтгэгдэл үлдээх )
03222

Жил бүр улсын чанартай 14 олимпиад болдгоос математикийн 54 дүгээр улсын олимпиад ирэх 5 дугаар сарын 10-15-ны өдрүүдэд Дорноговь аймгийн Сайншанд хотод болно. Өнгөрсөн жил Булган аймагт зохиогдсон тус олимпиадын шилжин явах цомыг Дорноговь аймгийн ЗДТГ, Боловсрол, соёл урлагийн газрын төлөөлөгчид, “Доёд сан”-гийн ТУЗ-ийн гишүүд хүлээн авснаар энэ жилийн олимпиад Монгол Улсын Гавьяат Багш, профессор У.Доёдын нэрэмжит болохоор болсон юм.

Гавьяат багш У.Доёдын тухайд Дорноговь аймгийн уугуул бөгөөд МУИС-ийн физик математикийн факультет дүүргэж Москвагийн их сургуульд мэргэжил дээшлүүлсэн манай урдаа барих математикчдын нэг. МУИС-ийн математикийн факультетад 50 жил математикийн багшаар ажилласан тэрээр 1983 оноос Дидактикийн төвийн суурийг тавьж, 1990 оноос мэргэжлийн дидактикийн сургалт судалгааны төвийг байгуулалцаж, 2008 он хүртэл уг төвийг удирдаж байв. Өдгөө гавьяаныхаа амралтад гарсан У.Доёд багш, түүний үүсгэн байгуулсан “Доёд сан”-гийн Удирдах зөвлөлөөс оюуны бяр тэнхээ сорьсон энэхүү улсын хэмжээний  том наадмыг өндөр зохион байгуулалттай сайн явуулах тал дээр анхааран ажиллаж байна гэлээ.

 

Share the post "У.Доёдын нэрэмжит математикийн улсын олимпиад Дорноговь аймагт болно"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх