Цэцэрлэгүүд есдүгээр сарын 6-наас эхлэн ажил хаялтад нэгдэхээ мэдэгдлээ

Дөнгөж сая Монголын Сургуулийн өмнөх боловсролын ҮЭ-ийн нэгдсэн хорооны бүлгийн дарга нарын зөвлөлдөх уулзалт МҮЭ-ийн холбооны хурлын танхимд боллоо. Тус уулзалтаар цалин хөлсөө нэмэгдүүлэхийн төлөөх ажил хаялтад бүх цэцэрлэгүүд ирэх Пүрэв гариг буюу энэ сарын 6-наас эхлэн нэгдсэн зохион байгуулалттайгаар оролцох шийдвэрт хүрлээ. Ийнхүү бүх сургуулийн өмнөх боловсролын багш ажилтнууд нэгдсэн зохион байгуулалтайгаар ажил хаялтад дуу хоолойгоо нэгтгэж хүчээ зузаатгахаа мэдэгдлээ.