4 дүгээр сургуулийн “School peace” баг тэргүүллээ

Сүхбаатар дүүргийн Иргэдийн Төлөөлөгчдийн Хурал, Цагдаагийн 1, 2, Замын цагдаа, Хүүхэд гэр, бүл хөгжлийн төв хамтран дүүргийн харьяа ерөнхий боловсролын сургуулийн орчинд үйлдэгдэж болзошгүй гэмт хэрэг, зөрчил, зам тээврийн осол, гэмтлээс урьдчилан сэргийлэх, сурагчдын эрхзүйн мэдлэгийг дээшлүүлэх, сургуулийн эргүүл болон өсвөрийн сэргийлэх бүлгэмийн ажиллагааг эрчимжүүлэх, сурагчид, тэдний эцэг, эх, багш, нийгмийн ажилтны хамтын ажиллагааг идэвхжүүлэх зорилгоор дэвжээ 2018 тэмцээнийг 2018.10.23-нд Монголын Хүүхдийн ордонд зохион байгууллаа. Дэвжээ 2018 тэмцээний нээлтэд дүүргийн ИТХ-ын тэргүүлэгчдийн нарийн бичгийн дарга бөгөөд ГХУСАЗСЗ-ийн нарийн бичиг Д.Азжаргал болон салбар зөвлөлийн гишүүд оролцсон юм.
Тэмцээнд сургууль тус бүрийн Өсвөрийн сэргийлэгч бүлгэм–ийн гишүүн 8 сурагч /9-12-р ангийн сурагч/, сургуулийн багш-1, нийгмийн ажилтан-1, эцэг эхийн төлөөлөл-2 хүний бүрэлдэхүүнтэй ерөнхий боловсролын 15 сургуулийн баг оролцсон юм.
Уг тэмцээн нь:
1.Монгол Улсын Гэмт хэргээс урьдчилан сэргийлэх тухай хууль
2. Монгол Улсын Хүүхдийн эрхийн тухай хууль
3. Монгол Улсын Хүүхэд хамгааллын тухай хууль
4. Монгол Улсын Гэр бүлийн хүчирхийллийн тухай хууль /Хүүхэд хамгаалалтай холбоотой хэсэг/
5. “Өсвөрийн сэргийлэгч”, ”Сургуулийн эргүүл ажиллах журам”, эрхзүйн актын хэрэгжилт, эргүүлийн үйл ажиллагааны талаар
6. Өсвөрийн сэргийлэгч бүлгэмийн журам-ын хүрээнд
– “Өсвөрийн сэргийлэгч”, “Сургуулийн эргүүл”- ийн ач холбогдол, сайжруулах арга зам
– Олон нийтийн цахим сүлжээ, цахим тоглоомын эерэг ба сөрөг тал,түүний нөлөөлөл
– Гэмт хэрэг зөрчилд өөрөө болон найз нөхөд нь өртсөн бол яаж туслах
– Тодорхой төрлийн гэмт хэргээс хэрхэн урьдчилан сэргийлэх
– Хорт зуршил /архи, тамхи, мансууруулах бодис/-аас хэрхэн урьдчилан сэргийлэх гэсэн сэдвүүдээр багийн мэндчилгээ, гэрийн даалгавар, асуулт хариултаар өрсөлдөхөөс гадна сургуулиуд өөрсдийн эргүүлийн болон Өсвөрийн цагдаа бүлгэмийн хүрээнд хийсэн ажил, арга хэмжээг сурталчилсан самбар, ханын сонин, гар зургийн бүтээлийг танилцуулж эцэг, эхийн төлөөлөл нь “Сургуулийн эргүүл” –ийн үйл ажиллагааг хэрхэн сайжруулах талаар илтгэл тавьж тэмцээний нэгдсэн дүнгээр
1 дүгээр байр: 4 дүгээр сургуулийн “School peace” баг
2 дугаар байр: 31 дүгээр сургуулийн Сэрүүлэг баг
3 дугаар байр: 3 дугаар сургуулийн Алтан-Од баг тус тус шалгарлаа.
Дэвжээ 2018 тэмцээнээс шалгарсан 4 дүгээр сургуулийн “School peace” баг Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын алба, нийслэлийн цагдаагийн газар, Монголын сурагчдын холбооноос хамтран зохион байгуулах нийслэлийн аварга шалгаруулах дэвжээ тэмцээнд Сүхбаатар дүүргээ төлөөлөн оролцох эрхтэй болсон юм.