УИХ-ын гишүүн асан Г.Батхүү таалал төгсчээ

АН-ын дэд дарга, УИХ, Засгийн газрын гишүүн асан, Монгол Улсын Их Хурлын Дэд дарга асан, төр нийгмийн зүтгэлтэн Г.Батхүү өчигдөр /2019.05.17/ орой 19.10 цагийн үед Төрийн ордонд таалал төгсчээ.

ГАВААГИЙН БАТХҮҮ НЬ

1978 онд Өвөрхангай аймгийн Арвайхээр хотын 10 жилийн дунд сургууль
1983 онд ЗХУ-ын Харьков хотын Инженер-эдийн засгийн дээд сургууль Инженер- эдийн засагч мэргэжлээр
1999 онд ШУТИС-ийн Бизнесийн удирдлагын ухааны магистаар тус тус төгссөн
1983 онд Авто засварын заводын Их засварын цехэд засварчин, мастер
1983 – 1987 онд Авто засварын үйлдвэрийн нэгдэлд хэлтсийн дарга
1987 – 1991 онд Тээврийн яаманд БХЗГ-т ахлах мэргэжилтэн
1991 – 1996 онд “Шунхлай” ХХКомпаний ерөнхий захирал
1996 – 1999 онд Дэд бүтцийн хөгжлийн яаманд Зам тээврийн газрын дарга
1999 – 2000 онд Монгол Улсын Засгийн газрын гишүүн, Дэд бүтцийн хөгжлийн сайд
2000 – 2002 онд “Инфра структур” ХХКомпаний захирал
2002 – 2004 онд “АПУ” ХКомпаний гүйцэтгэх захирал
2004 – 2008 онд Монгол Улсын Их Хурлын гишүүн
2004 – 2006 онд Монгол Улсын Засгийн газрын гишүүн, Зам тээвэр, аялал жуулчлалын сайд
2008 – 2012 онд Монгол Улсын Их Хурлын гишүүн
2008 – 2012 онд Монгол Улсын Их Хурлын дэд дарга
2008-2012 онд Монгол Улсын Их Хурлын гишүүнээр тус тус ажиллаж байсан юм.