“Хичээл эхэллээ” мэдээллийн нээлттэй өдөр болж байна

Боловсрол, соёл, шинжлэх ухаан, спортын яам хичээлийн шинэ жилийг угтан “Хичээл эхэллээ” мэдээллийн нээлттэй өдөр арга хэмжээг өнөөдөр зохион байгууллаа. Арга хэмжээний хүрээнд Хэвлэлийн бага хурал зохион байгуулснаас гадна харьяа байгууллагууд болох Багшийн мэргэжил дээшлүүлэх институт, Насан туршийн боловсролын үндэсний төв, Боловсролын хүрээлэн, Боловсролын үнэлгээний төв, Боловсролын магадлан итгэмжлэлийн үндэсний зөвлөл, Боловсролын зээлийн сан, Засгийн газрын хэрэгжүүлэгч агентлаг Соёл урлагийн газар, Биеийн тамир спортын газар, мөн Нийслэлийн Боловсролын газрын удирдлагууд сэтгүүлчдийн сонирхсон асуултад нээлттэй мэдээлэл өглөө.