Дуучин Б.Амархүүд хоёр жил хорих ял оноолоо

Дуучин Б.Амархүүд холбогдох хэргийн шүүх хурал өнөөдөр Хан-Уул дүүргийн Эрүүгийн хэргийн анхан шатны шүүхэд боллоо.

Шүүх хурал хоёр цаг гаруй хугацаанд үргэлжилсний эцэст 16:12 цагт шийдвэрээ гаргаж, дуучин Б.Амархүүд хоёр жилийн хугацаатай хорих ял эдлүүлэхээр шийдвэрлэлээ.

Сануулахад, Тэрбээр өнгөрсөн есдүгээр сарын 20-ны шөнө гэрийнхээ гадна зогсоолын талбайд өөрийн машиндаа хар тамхи, мансууруулах бодис хэрэглэж байгаад үйлдэл дээрээ ЦЕГ-ын Хар тамхитай тэмцэх газрын алба хаагчдад баригдсан юм. Түүнийг сар гаруй хугацаанд ШШГЕГ-ын харъяа 461 дүгээр ангид саатуулан шалгаж байсан бөгөөд өнөөдөр ийнхүү хоёр жил хорих ялаар шийтгэлээ.