ХӨСҮТ: “Амар” зочид буудалд тусгаарлагдсан нэг иргэнээс коронавирусийн халдвар илэрлээ

СOVID-19 халдварын цаг үеийн асуудлаар Эрүүл мэндийн яамнаас өнөөдрийн /2020.04.16/  ээлжит мэдээллээ хийлээ.

Монгол Улсад гаднаас зөөвөрлөгдөж ирсэн буюу коронавируст “Ковид-19” халдварын нийт батлагдсан тохиолдлын тоо нэгээр нэмэгдэж, 31 боллоо.
-Тухайлбал, ОХУ-аас ирж “Амар” зочид буудалд тусгаарлагдаж байсан 11 хүний сорьцонд давтан шинжилгээ хийхэд нэг хүнээс нь “Ковид-19” халдвар илэрсэн байна.
– Нийт батлагдсан 31 тохиолдлын тав нь эдгэрч, эмнэлгээс гарсан бөгөөд 26 нь ХӨСҮТ-д эмчлүүлж байна.
-ХӨСҮТ-д нийт 245 хүн тусгаарлагдаж эмчилгээ, шинжилгээ, хяналт, тандалтанд хамрагдаж байна.
-Монгол Улсад сэжигтэй тохиолдол нэмж бүртгэгдээгүй.
-ХӨСҮТ-д хийсэн шинжилгээ буюу:
-Сэлэнгэ аймгийн Алтанбулаг сумын тусгаарлах байранд ажиллаж байсан эмч, эмнэлгийн мэргэжилтэн 84,

– Тээврийн жолооч 44,
– Тандалт, судалгааны чиглэлээр цуглуулсан сорьц 25,
-ХӨСҮТ-д тусгаарлагдсан 4 хүний /давтан/ шинжилгээнд халдвар илрээгүй.
-Улсын хэмжээнд тусгаарлах байруудад нийт 1669 хүн ажиглалт, хяналт, тандалт, судалгаанд хамрагдаж байна. 24 цагийн хугацаанд 15 хүнд нарийн мэргэжлийн тусламж, үйлчилгээ үзүүлсэн бол, бусад хүний биеийн байдал хэвийн байна.