Цэцэг дэлгэрсэн цэнгэг зуны үдшээр “нисдэг цэцэг” дэлгэн сэтгэлийн цэнгэл эдлэн суувал ямар вэ?

Сонгуулийн өмнөх хар цагаан пи ар, хэрүүд тэмцэл, дэлхий нийтийг цочроосон цар тахлын түгшүүрээс ангижирч хэсэг ч гэсэн гэгээн сайхан бүхнийг мэдрэх боломжийг “Нисдэг цэцэг” танд олгох биз ээ. Залуу зохиолч Б.Дэлгэрцэцэгийн “Нисдэг цэцэг” гэсэн содон нэртэй өгүүллэг туужийн ном хэвлэгдэн уншигчиддаа хүрсэн даруйдаа олны таашаалыг хүртээд байна. Нийтийн дууны салбарт шинэхэн салхи сэвэлзүүлсэн олон шилдэг дууны шүлэг бичиж, “247 хайрын шүлэг” яруу найргийн номоороо уншигчдаа баясгаж байсан залуу зохиолч бүсгүй энэ удаад үргэлжилсэн үгийн зохиолд хүчээ сорьж “Нисдэг цэцэг” ээ дэлгэж байна.