“COVID-19” халдвар долоон хүнээс илэрч, ХӨСҮТ-ээс долоон хүн эдгэрч гарлаа

2020 оны зургаадугаар сарын 21-нд ХӨСҮТ-ийн 2 лаборатори, Дархан-Уул аймгийн салбар 1 лабораторид нийт 359 шинжилгээ /PCR/ хийхэд долоон хүнд “COVID-19” халдвар илэрчээ. Үүнд:

• Нурсултан-Улаанбаатар чиглэлийн тусгай үүргийн онгоцоор ирсэн 4 хүн /давтан/,
• Сөүл-Улаанбаатар чиглэлийн тусгай үүргийн онгоцоор ирсэн 2 хүн,
• Алтанбулаг боомтоор ирсэн ачаа тээврийн 1 жолооч халдвартай болох нь шинжилгээгээр батлагдсан байна.
• Эдгээрт 6, 11, 12 насны гурван хүүхэд байгаа бөгөөд 29, 38, 39, 63 насны дөрвөн иргэн байна.

 Бусад шинжилгээ:

• Сөүл-Улаанбаатар чиглэлийн тусгай үүргийн онгоцоор ирсэн 265 хүн,
• Ажиглах байранд тусгаарлагдсан 38 хүн /давтан,
• Тандалт судалгааны зорилгоор Өрхийн эүүл мэндийн төвүүдээс цуглуулсан 4 сорьц,
• ХӨСҮТ-д тусгаарлагдсан 17 хүн /давтан/,
• Дархан-Уул аймагт тусгаарлагдсан 3 хүн,
• Сэлэнгэ аймагт тусгаарлагдсан 3 хүн /давтан,
• Алтанбулаг боомтоор ирсэн ачаа тээврийн 22 жолоочийн шинжилгээнд халдвар илрээгүй байна.

ХӨСҮТ-д эмчлүүлж байсан долоон хүн эдгэрч, түүнээс 6 нь дараагийн тусгаарлалт руу шилжиж байна. Үүнд:

19-45 насны 2 эрэгтэй, таван эмэгтэй байгаа бөгөөд эмчилгээний хугацаа 17-49 хоног үргэлжилжээ. Мөн 2 жирэмсэн эмэгтэйн нэг нь төрөх хугацаа дөхсөн тул сувилал руу шилжүүлэхгүй, ХӨСҮТ-ийн хяналтан дор амаржуулахаар болсон байна.

Орон нутгийн 17 чиглэлд галт тэргээр зорчсон 6000 гаруй хүнд тандалт, судалгаа хийж, асуумж авахад халдвар илрээгүй байна. Улсын хэмжээнд ажиглах байруудад нийт 2183 хүн тусгаарлагдаж байна.

Өчигдөр 2 хүн шинээр тусгаарлагдсан бол, зургаан хүн гэрийн тусгаарлалтад шилжжээ. Монгол Улсад гаднаас зөөвөрлөгдөн орж ирсэн коронавируст “COVID-19” халдварын нийт батлагдсан тохиолдол 213 байна. Үүнд:

ХӨСҮТ-д эмчлүүлж эдгэрсэн 153 хүн байгаа бол, өдгөө эмчилгээ, ажиглалтад 60 хүн хамрагдаж байна. Биеийн байдал хөнгөн 53, хүндэвтэр оноштой долоон хүн байгаа аж.