Өнөөдөр хөх бар өдөр

-Билгийн тооллын 22, хөх бар, найралт эх-7 од, суудал төмөр, мэнгэ 8 цагаан, түлэхийн барилдлагатай өдөр. Овоо тахих, лусын буулттай өдөр.

-Өдрийн нар ургах/шингэх цаг: 07:46-17:25.

-Өдрийн сайн цаг: Нохой(19:40-21:40), хулгана(23:40-01:40), үхэр(01:40-03:40), луу(07:40-09:40), хонь(13:40-15:40) болой.

-Үс засуулахад эд, идээ элбэгшин эрхэм сайн. Гэвч бич, гахай, хулгана, үхэр жилтнээ цээрлэвэл зохилтой.

-Хол газар явагсад баруун урд зүгт мөрөө гаргавал зохистой.

-Морь, нохой, бар, үхэр жилтнээ аливаа үйлийг хийхэд эерэг сайн. Харин бич, гахай, хулгана жилтнээ сөрөг муу.

-Үсэг, зурхай, урлахуй ухаанд суралцах, насны буян бүтээх, эд мал авах, тариа тарих, мод суулгах, хот тосгоны суурь тавих, барих, бурхан шүтээн, орон гэрийг равнайлах, хувцас эсгэх, тооцоо хийх, мэргэ төлгө тавих, цэрэг хөдөлгөх, хатуу үйл үүсгэвэл сайн. Элдэв сайн үйлийг эхлэн үүсгэхийг тэвчвээс зохистой. Цацал өргөх, эм найруулах, төрөл садан бололцох, ном эхлэн заалгах, худаг малтах, бэрийн үйл, замд гарах, үхэгсдийн үйлд муу. Газрын гараг дэлгэрдэгч эд бүү гарга.