Хан-Уул дүүргийн иргэд “Нэг хаалга-Нэг шинжилгээ”-нд идэвхтэй хамрагдаж байна

2021 оны 02-р сарын 18 өдөр, 14 цаг 59 минутад нийтэлсэн (Сэтгэгдэл үлдээх )
150552660_446975586416900_8449178642661175502_n_20210218030534

“Нэг хаалга-Нэг шинжилгээ” арга хэмжээ өнөөдөр Хан-Уул дүүргийн нийт 18 хороонд зохион байгуулагдаж байна. Тус дүүргийн 32,000 өрхийг суурин гурав, явуулын 127 багаар зохион байгуулж байгаа уг шинжилгээ авах явцыг Нийслэлийн Засаг дарга бөгөөд Улаанбаатар хотын захирагч Д.Сумъяабазар шалгалаа.

Хан-Уул дүүргийн наймдугаар хороон дээр очиж ажиллахад өглөө 08:50 цагаас эхэлсэн шинжилгээний  явц 50 хувьтай байлаа. Нийслэлийн өрх бүрийг шинжилгээнд хамруулах арга хэмжээнд нийслэлчүүд идэвхтэй хандаж байгааг Нийслэлийн Засаг дарга онцлоод “Нэг өрхөөс нэг иргэн л шинжилгээнд хамрагдах ёстой”-г хэллээ. Мөн Улаанбаатар хотын хэмжээнд “самнах” байдлаар хийж буй “Нэг хаалга-Нэг шинжилгээ”-ний үйл явц сайн байгааг дурдсан юм.  Хотын дарга Д.Сумъяабазар шинжилгээ өгч буй иргэдтэй уулзах үеэрээ “Энэ сарын 23-наас хөл хорио тавигдана. Мөн үргэлжлүүлээд короонавирусээс хамгаалах вакциныг хийж эхэлнэ. Эхний ээлжинд энэхүү халдварын эсрэг тэмцэх голомт дээр ажиллаж буй эрүүл мэнд, цагдаа, онцгой байдлын албан хаагчдаа хамруулах төлөвлөгөөтэй байна” гэсэн юм.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Share the post "Хан-Уул дүүргийн иргэд “Нэг хаалга-Нэг шинжилгээ”-нд идэвхтэй хамрагдаж байна"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.