Сэтгүүлч С.Отгонмөнх хөдөлмөрийн гавьяаны улаан тугийн одонгоор энгэрээ мялаалаа

“Golf & Coffee” нэвтрүүлгийн санаачлагч, хөтлөгч, сэтгүүлч С.Отгонмөнх Монгол Улсын Ерөнхийлөгч Х.Баттулгын зарлигаар хөдөлмөрийн гавьяаны улаан тугийн одонгоор энгэрээ мялаалаа. Тэрбээр 1996 онд Монголын шилдгийн шилдэг хэвлэл “Сэрүүлэг” сониныг үүсгэн байгуулалцаж, улс төр, урлаг, соёлын албанд сэтгүүлч, редактор хийн ажил амьдралын гараагаа эхэлжээ. Мөн “Гайхмаараа”, Улаанбаатар таймс” сонинуудад сэтгүүлч, редактор, ТВ-8 телевизийн захирлаар ажиллаж байсан. “Golf & Coffee” нэвтрүүлгийг 2008 онд санаачлан хөтлөгч, редактораар ажилласан цагаасаа өнөөг хүртэл олон сайхан дугаарыг үзэгчдэд хүргэжээ.

С.Отгонмөнх нь 2013 онд Төрийн дээд шагнал “Алтан гадас” одонгоор шагнагдсан билээ.