Ахлах ахлагч Э.Даваажамц 2127 км зам туулж, барианд орлоо

“Эх орны хүү, эр цэрэг гүйж байна” уриатай холын зайн гүйлт хийсэн Ховд нутгийн хүү, зэвсэгт хүчний 123 дугаар ангийн хөгжимчин ахлах ахлагч Эрхэмбаярын Даваажамцыг Дорнод аймгийн засаг дарга болон орон нутгийн удирдлага, зэвсэгт хүчний 327 дугаар анги, хилийн 0132 дугаар анги, нутгийн ард иргэд халуун алга ташилтан дор хүндэтгэл үзүүлэн угтан авлаа. Тэрбээр ийнхүү нийт 2127 км замыг, 46 хоногийн хугацаанд туулан өөрийн зорьсон барианд ирж байгаа юм.