Элсэлтийн ерөнхий шалгалт орон даяар эхэллээ

2022 оны Элсэлтийн ерөнхий шалгалт Монгол Улсын түүхийн хичээлийн шалгалтаар эхэллээ.

Шалгалтыг Боловсролын үнэлгээний төвөөс гаргасан хуваарийн дагуу орон даяар нэгэн зэрэг зохион байгуулж байна. Нийслэлийн хэмжээнд 2021-2022 оны хичээлийн жилд ерөнхий боловсролын сургуулийн 12 дугаар ангийн 14211 төгсөгчөөс 13533 суралцагч монгол хэл бичгийн шалгалтад хамрагдаж, 13530 нь шалгалтад тэнцжээ.

Нийслэлд 22 байршилд ЭЕШ-ын төв ажиллаж байгаа бөгөөд үүнд нийт 15700 хүүхэд шалгалт өгөхөөр бүртгүүлсэн байна.