Дуудлага, мэдээлэл 20.9 хувиар буурсан үзүүлэлттэй байна

Нийслэлийн хэмжээнд өнгөрсөн 14 хоногийн хугацаанд нийт 81 удаагийн дуудлага, мэдээлэл бүртгэгдсэн байна.

Дуудлагын дагуу алба хаагчид үүрэг гүйцэтгэж, гал түймэр утаажилтын бүсээс 216 иргэнийг гаргаж, аюулт үзэгдэл, ослоос 198 иргэнийг аварч, 6.1 тэрбум төгрөгийн өмч хөрөнгийг авран хамгааллаа.

Он гарснаас хойш өнөөдрийн байдлаар нийт 103 удаагийн дуудлагатай байгаа нь өнгөрсөн оны мөн үетэй харьцуулахад 20.9 хувиар буурсан үзүүлэлттэй байна гэж нийслэлийн Онцгой байдлын газраас мэдээллээ.