Сүхбаатар дүүргийн Засаг дарга Х.Болормаа эмгэнэлийн дэвтэрт гарын үсэг зурлаа

Нийслэлийн Иргэдийн Төлөөлөгчдийн Хурлын төлөөлөгч, Сүхбаатар дүүргийн Засаг дарга Х.Болормаа өнөөдөр Турк Улсын Элчин сайдын яаманд очиж, газар хөдлөлтийн улмаас олон мянган хүний амь эрсэдсэнд эмгэнэл илэрхийлж, эмгэнэлийн дэвтэрт гарын үсэг зурлаа.

Тэрээр, “Бүгд Найрамдах Турк Улсын зүүн өмнөд хэсгийн мужуудад болсон хүчтэй газар хөдлөлтийн улмаас олон хүний эрдэнэт амь эрсдэн эд хөрөнгийн асар их хохирол учирсанд гүн харамсан эмгэнэл илэрхийлж байгааг минь хүлээн авна уу. Энэ хүнд цаг үед БНТУ-ын иргэдтэй бид сэтгэл зүрхээрээ хамт байж, амь насаа алдсан иргэдийн гэр бүлд учирсан уй гашууг хуваалцаж байгаа нь тэдэнд бага ч болов итгэлийн гал нэмнэ хэмээн найдаж байна” хэмээв.