Хотын стандартыг хангуулах ажлын хэсэг амралтын газар, дэн буудлуудыг шалгаж байна

Нийслэлийн Засаг даргын 2023 оны “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” А/242 дугаар захирамжийн хэрэгжилтийг хангуулах Сүхбаатар дүүргийн Ажлын хэсэг амралтын газар, дэн буудлуудад ажиллаж байна.

Ажлын хэсгийн хурал болж, хяналт шалгалтыг нэгдсэн удирдамжийн дагуу заасан хугацаанд, чанартай зохион байгуулж, салбар тус бүрт хийсэн шалгалтын үр дүнг тайлагнах тухай хэлэлцлээ.

Мөн ажлын хэсгийн гишүүд нь харьяалах байгууллага, хэлтсийнхээ чиг үүрэгтэй холбоотой асуудлаар зөвлөн туслах, сургалт, арга зүйгээр хангах юм.