Монголын Үндэсний үйлдвэрлэгчдийн бүтээгдэхүүний үзэсгэлэн худалдаа Франц Улсад дэлгэгдлээ

Монгол Улсын Ерөнхийлөгч Ухнаагийн Хүрэлсүх Бүгд Найрамдах Франц Улсын Ерөнхийлөгч Эммануэл Макроны урилгаар хийж буй төрийн айлчлалын хүрээнд Монголын Үндэсний үйлдвэрлэгчдийн бүтээгдэхүүний үзэсгэлэн худалдаа дэлгэгдлээ.

Үзэсгэлэн худалдаанд Монголын жижиг дунд үйлдвэрлэл эрхлэгч 30 орчим аж ахуй нэгж оролцож байгаа бөгөөд ноолууран хувцас хэрэглэл, арьсан эдлэл, эсгий бүтээгдэхүүн, монгол уран зураг, уран хатгамал зэрэг 8000 гаруй бүтээгдэхүүний дэлгэн танилцуулан худалдаалж байна.

Энэхүү үзэсгэлэн худалдаа нь Монголын жижиг дунд үйлдвэрлэл эрхлэгчдийг европын зах зээлд бараа бүтээгдэхүүнээ сурталчлан таниулах, бизнесээ өргөжүүлэх, цаашлаад Үндэсний хэв шинжийг агуулсан өв уламжлал, өвөрмөц хэрэглээ, аж ахуй, үндэсний ондоошлыг дэлхий дахинаа сурталчлан таниулж байгаагаараа онцлог юм.