Хүүхэд төрүүлсэнгүй гэж эхнэрийнхээ гарыг бугуйгаар нь тас цавчжээ

Daily Nation мэдээлснээр 34 настай кени эр Стивен Нгила хүүхэд төрүүлсэнгүй хэмээн эхнэр Жаклин Мвендегийнхээ хоёр гарыг бугуйгаар нь тас цавчжээ. Энэ аймшигт хэрэг 7-р сарын 26-нд гарчээ. Хүүхэд гаргаж өгсөнгүй хэмээн уурлаж улангассан эр хоёр гарыг тас тавчсанаас гадна толгой руу нь түлээгээр цохисоноос болж Жаклины зүүн чих таг дүлийрчээ.

Стивен эхнэрээ зэрэмдэглээд зугтаасан ч маргааш нь цагдаад баригдсан байна. Үр хүүхэдгүйн улмаас байнга хэрүүл маргаан зодоон цохион болдог гэр бүлд хамгийн ойр байсан хүн нь нутгийн пастор Патрик Киоко гэнэ.  Өдгөө пасторыг гэр бүлээ хамгаалж хамгаалж үлдэхийн тулд нөхрийнхөө уур хилэнг тэсэж тэвчихийг хөөрхий бүсгүйд байнга ятгаж байсных нь төлөө буруутгаж эхэлжээ. Болсон хэрэг явдал Кенийг цочроожээ. Эмэгтэйчүүдийн байгууллага протез хийлгэхээр мөнгө цуглуулах аян өрнүүлж байгаа аж. Мөн Жаклинд эмэгтэйчүүдийн шинжилгээ хийлгэхэд нөхөн үржүхүйн ямар нэгэн эмгэггүй гэсэн хариу гарчээ. Гол асуудал нөхөрт нь өөрт нь байсан гэнэ.