Сүхбаатар дүүрэг 23500 м2 талбайн шарилжийг устгаад байна

Нийслэлийн иргэдийг шарилжнаас үүдэлтэй харшлаас урьдчилан сэргийлэх зорилгоор Улаанбаатар хотын Захирагчийн ажлын албанаас “Шарилжгүй Улаанбаатар” аяныг дөрөв дэх жилдээ зохион байгуулж байгаа. Энэ хүрээнд Сүхбаатар дүүргийн нутаг дэвсгэрт үйл ажиллагаа явуулж байгаа иргэн, аж ахуй нэгж байгууллагуудыг хамруулан өөрийн эзэмшил газар болон нийтийн эзэмшлийн гудамж, зам, талбайд ургасан шарилж болон хөл газрын зэрлэг ургамлыг устгах албан даалгавар гарган ажиллаж байна. Албан даалгаврын дагуу энэ сарын 15-ны байдлаар 190 гаруй аж ахуй нэгж байгууллага нийтдээ 23500 м2 талбайн шарилж болон хөл газрын ургамлыг хадаж, цэвэрлээд байна.