Нийслэлийн 79 хороонд ням гарагт нэмэлт санал хураалт явуулна

2016 оны 10-р сарын 20 өдөр, 10 цаг 39 минутад нийтэлсэн (Сэтгэгдэл үлдээх )

Нийслэлийн сонгуулийн хорооноос дүүргийн иргэдийн төлөөлөгчдийн хурлын сонгуулийн ирц болон дүнгийн талаар мэдээлэл хийлээ. Нийслэлийн хэмжээнд нийт 860 мянга 452 иргэн сонгогчдын нэрсийн жагсаалтад бүртгэгдсэнээс 48 хувь нь буюу 413 мянга 212 сонгогч саналаа өгсөн байна.

Сонгуулийн тухай хуульд зааснаар тухайн хороонд бүртгэлтэй сонгогчдын 50-аас дээш хувь нь саналаа өгсөн тохиолдолд тухайн санал хураалт хүчин төгөлдөр болно. Энэ дагуу нийслэлийн 152 хорооны 73 дээр нь сонгогчдын 50-аас дээш хувь нь саналаа өгсөн буюу ирц хүрсэн бол 79 хороо ирц хүрээгүй байна. Өөрөөр хэлбэл, эдгээр хороод дээр нэмэлт санал хураалт явагдахаар болж байгааг Нийслэлийн сонгуулийн хорооны дарга Ү.Ганболд мэдэгдлээ.

Нэмэлт санал хураалтыг 10 дугаар сарын 23-ны Ням гарагт явуулахаар боллоо. Ингэхдээ саналаа өгсөн иргэд дахин өгөхгүй. Харин санал өгөөгүй иргэд саналаа өгч, саналын дүнг өмнөх ирцэн дээр нэмж тооцох юм.

Нийслэлийн Багахангай, Налайх дүүрэгт сонгогчдын 50-аас дээш хувь нь санал өгч, сонгууль хүчин төгөлдөр болсон байна. Дээрх 2 дүүрэгт МАН ялалт байгуулжээ. Үүнээс гадна нийслэлийн хэмжээний 398 санал авах байрны 49-д нь техникийн тооллого явуулахаар боллоо гэж Нийслэлийн сонгуулийн хорооноос мэдээллээ.

Дүүрэг Санал авах байрны тоо Нийт сонгогчдын тоо Санал өгсөн сонгогчид
Тоо Хувь
Багануур 9 18708 9789 52.3252085
Багахангай 2 2837 2021 71.2372224
Баянгол 60 129331 65326 50.5107051
Баянзүрх 89 206437 93587 45.334412
Налайх 12 23015 14055 61.0688681
Сонгинохайрхан 90 190029 86947 45.7545954
Сүхбаатар 43 87300 44424 50.8865979
Хан-Уул 46 99424 51160 51.4563888
Чингэлтэй 47 103371 45903 44.4060713
Нийт 398 860452 413212 48.0226672

 

НЭМЭЛТ САНАЛ ХУРААЛТ ЯВАГДАХ ТОЙРОГ, ХЭСГИЙН ДҮН МЭДЭЭ

 

№ Дүүрэг Нийт тойргийн тоо Үүнээс ирц хүрсэн Ирц хүрээгүй Ирц хүрээгүй тойргийн дугаар Нэмэлт санал хураалт явуулах САБ-ны тоо
1 Сүхбаатар 20 15 5 1, 3, 9, 10, 11 9
2 Хан-Уул 16 11 5 2, 3, 4, 11, 15 14
3 Баянгол 23 15 8 1, 3-7, 10, 20 17
4 Баянзүрх 28 4 24 2-5, 7-12, 14, 16-22 71
5 Чингэлтэй 19 4 15 4,5, 7-19 39
6 Сонгинохайрхан 32 11 21 1-5, 7, 9, 11, 13, 17-19, 21-26, 28, 29, 31 61
7 Багануур 5 4 1 5 2
8 Налайх 7 7 0
9 Багахангай 2 2 0
Нийт дүн 152 73 79 213

 

Share the post "Нийслэлийн 79 хороонд ням гарагт нэмэлт санал хураалт явуулна"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх