Осолдсон “Ту-154” онгоцны хар хайрцагны нэгийг уснаас гаргажээ

Өнгөрсөн ням гарагт Хар тэнгист осолдсон Оросын цэргийн “Ту-154” нисэх онгоцны хар хайрцагнуудын нэгийг нисгэгчийн бүхээгний дороос олжээ.

Онгоцны сүүл хэсэгт байрлах үлдсэн хоёр хайрцгийг шумбагчид хайж байгаа аж.

Шинжээчдийн дүгнэж байгаагаар хөдөлгүүрийн хэсэгт гадны биет нэвтэрснээс онгоц осолдсон байх магадлалтай гэж үзэж байна. Үүнтэй зэрэгцэн онгоц хэрхэн осолдож байх үеийг харсан гэрчүүд гарч иржээ. Тэдний ярьснаар онгоц усанд газардах оролдлого хийсэн бололтой. Гэвч хурдаа сааж чадалгүй хэтэрхий хүчтэй бууснаас осолдсон байна. Ослын шалтгааны өөр нэг хувилбар нь нисгэгчдийн буруу үйлдлээс онгоц сүйрсэн байх магадлалтай аж.

С.Атарцэцэг