Г.Батхүү агсныг маргааш сүүлчийн замд нь үднэ

Монгол Улсын төр, нийгмийн зүтгэлтэн, Монгол Улсын Их Хурлын дэд дарга, Улсын Их Хурлын гишүүн, Засгийн газрын гишүүн, сайд асан, Ардчилсан намын дэд дарга Гаваагийн Батхүү 2019 оны 5 дугаар сарын 17-нд зуурдаар таалал төгсөж, Монголын төр, ард түмэнд хүнд гарз тохиосон билээ.

Талийгаач Г.Батхүү агсныг энэ сарын 24-нд буюу баасан гаригийн өглөө хөдөөлүүлэхээр болжээ. Түүнийг Соёлын төв өргөөнөөс гаргах бөгөөд 05:40-07:40 цагийн хооронд талийгаачтай салах ёс гүйцэтгэх ажиллагааг зохион байгуулахаар Төрийн ёслолын алба ажиллаж буй юм байна.