Кубад сурч буй монгол оюутнууд Кубын балет үзэж сонирхлоо

Гаванад сууж буй Монгол Улсын ЭСЯ-наас санаачлан Кубад сурч буй монгол оюутнуудыг Гаванын Их театртай танилцуулах арга хэмжээ зохион байгуулж, 2016 оны 3 дугаар сарын 18-ны өдөр Гаванын Их Театрт балетын тоглолт үзүүлэв. Кубын Их театр нь Гавана хотын хосгүй уран барилгын нэгэнд тооцогддог бөгөөд 3 жил их засвар хийсний дараа 2016 оны 1 дүгээр сараас дахин нээгдээд байгаа юм. Кубын Төрийн Зөвлөлөөс Их театраа Кубын нэрт балетчин Алисиа Алонсогийн нэрэмжит болгох шийдвэрийг 2015 оны 12 дугаар сард гаргасан билээ. Гавана дахь ЭСЯ монгол оюутнуудаа 500 жилийн түүхтэй Гавана хотын түүх дурсгалын газруудтай танилцуулах соёлын цуврал арга хэмжээ зохион байгуулж буй бөгөөд Их Театртай танилцуулж, дэлхийд алдартай Кубын балетын урлагийн тоглолт үзүүлжээ.