Тамирчдыг шаардлагатай уураг, амин дэмээр хангана

Yндэсний шигшээ багийн тамирчдад “Моносфарм трейд”, “Азифарм”, “Олл мастерс”, “Тамирчин нөхөн сэргээх сувилал” ХХК-ууд эм витаминжуулалт олгохоор болж эдгээр компанийн төлөөлөгчид БТСХТ-ийн дарга  Д.Жаргалсайхантай гэрээ байгуулжээ. ЭМСЯ-ны харьяа БТСХТ-өөс 2016 оны 1 дүгээр сарын 15-ны өдөр зарласан “Тамирчдад шаардлагатай уураг, амин дэм, эм, эмнэлгийн хэрэгсэл худалдан авах” тендерийг 8 компани худалдан авснаас 2016 оны 2-р сарын 16-ны өдөр 4 компани нь саналаа ирүүлж нээлтэд оролцсон. Тендерт оролцсон 4 компаниас “Моносфармтрейд” ХХК-нийн ирүүлсэн 10 багц нь  хамгийн сайн үнэлэгдэж, 2016 оны 3-р сарын 09-ны өдөр 273,118,789 /хоёр зуун далан гурван сая нэг зуун арван найман мянга долоон зуун наян ес/ төгрөгийн эм, эмнэлгийн хэрэгсэл худалдан авах гэрээ хийгджээ. Гэвч бусад компанитай 2015 онд хамтран ажилласан тул “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн 34.1.5 заалтыг үндэслэн шууд гэрээ байгуулсан байна.