Улаан-Үд-Улаанбаатарын чиглэлд долоо хоногт хоёр удаа нислэг үйлдэнэ

“ИрАэро” компани Улаан-Үд-Улаанбаатарын чиглэлд үйлддэг тогтмол нислэгээ энэ оны зургадугаар сарын 6-наас эхлэн сэргээнэ. Уг нислэгийг долоо хоногт хоёр удаа даваа, баасан гарагт үйлдэнэ гэж Буриадын Тээвэр, эрчим хүчний хөгжил, авто замын удирдлагын яам мэдээлсэн байна. 50 хүний суудалтай “Bombardier CRJ-200” онгоцоор нэг цаг нисэх юм. Дээрх чиглэлд нисэх тасалбарыг худалдаж эхэлжээ. Тасалбарын үнэ нэг талдаа 7500 рубль бөгөөд нислэгийг 10 дугаар сарын эцэс хүртэл үйлдэнэ. 2014 онд Орос, Монголын хооронд визийн журмыг цуцалснаас хойш Буриадад зорчих монголчуудын тоо эрс нэмэгдсэн билээБуриадын Гаалийн удирдах газрын мэдээллээр, өнгөрсөн онд Монголын 840 мянга гаруй иргэн Орос-Монголын хилээр нэвтэрсэн нь 2014 оныхоос 70 хувиар өссөн үзүүлэлт аж.