Хятадын алдарт гүйгч Лиу Сиан зодог тайлжээ

Хятадуудын хамгийн хайртай тамирчдын нэг Лиу Сиан зодог тайлжээ. Одоо 31 настай тэрбээр 2004 оны Афины олимпын 110 метрийн саадтай гүйлтийн төрөлд алтан медаль хүртэж, 2007 оны ДАШТ-д аваргаа баталсан билээ. Тэрээр бас 2006 онд 100 метрийг 12,88 секундэд туулснаар дэлхийн дээд амжилт тогтоож байсан юм. Нэгэн үе хятадуудын бахархал болж, гүйлтийн төрөлд олимпын анхны алтан медалийг нь авчирч байсан Лиу Сиан гэмтлийн улмаас ихээхэн найдлага тавьж байсан Бээжингийн олимпод оролцож чадаагүйн дээр 2012 оны Лондонгийн олимпын бие халаалтын үеэр гэмтэл нь сэдэрснээр мэс засалд орж байсан.  Энэ гэмтлийн улмаас ч тэрээр зодог тайлж байгаа гэнэ.  Хэдий тэрбээр сүүлийн хэдэн жил дорвитой амжилт үзүүлээгүй ч нэр хүнд нь сагсанбөмбөгч Яо Мин, теннисчин Ли Натэй эн зэрэгцэн, улсынхаа хамгийн алдартай тамирчны тоонд багтсаар байгаа юм.