Таэквондочид Азийн хоёр том тэмцээнд оролцоно

Таэквондогийн Үндэсний шигшээ багийн тамирчид Хандгайт дахь Монголын Үндэсний олимп цогцолборт энэ сарын 14 хүртэл 14 хүний бүрэлдэхүүнтэйгээр бэлтгэлээ базааж байна.Учир нь тэд дөрөвдүгээр сарын 16-17-нд Филлипин улсын Манила хотод болох Ази тивийн олимпийн эрхийн тэмцээн, 18-20 нд Ази тивийн аварга шалгаруулах тэмцээнд оролцох юм.

Олимпийн эрх авахын төлөө Үндэсний шигшээ багийн тамирчин М.Түмэнбаяр 58 кг-д, П.Тэмүүжин 68 кг-д тулалдах бол Ази тивийн аварга шалгаруулах тэмцээнд Б.Ганцоож 54 кг-д, М.Түмэнбаяр 58 кг-д, А.Нацагдорж 63 кг-д, П.Тэмүүжин 68 кг-д тус тус тулалдана. Дасгалжуулагчаар шигшээ багийн дасгалжуулагч Н.Эрдэнэбаатар, БНСУ-ын дасгалжуулагч Хур-Инёнг нар ажиллаж байна. Дээрх бэлтгэлд 2020 онд болох олимпод бэлтгэж буй залуу тамичид гарч, бэлтгэлийг нь хангаж буй.