Парисын халдлагад холбоотой зэвсгийн наймааны сүлжээний удирдагчийг баривчилжээ

Парис хотын еврейчүүдийн супермаркетэд 2015 онд халдлага үйлдсэн этгээдэд зэвсэг худалдсан хэрэгт сэжиглэгдэж байсан 27 настай Францын иргэн Антуан Денивийг Малага боомтод байхад нь баривчилсан байна. Өнгөрсөн оны нэгдүгээр сарын 7-9-нд Парист халдлага үйлдсэн гурван этгээдийн нэг болох Амеди Кулибалиг зэвсгээр хангаж байсан зэвсгийн наймааны сүлжээг Антуан Денив удирддаг байж магадгүй гэж сэжиглэж байгаа юм. Тэрбээр цагдаа нараас зугтаж, халдлага болсноос долоо хоногийн дараа хуурамч бичиг баримт ашиглан Францаас гарч, Малага боомтод очиж хууль бус үйл ажиллагаагаа үргэлжлүүлж байсан аж. Түүнийг баривчлах үед хамт байсан Серби болон Монтенегро-гоос ирсэн хоёр хүнийг мөн баривчилсан бөгөөд Сербийн иргэн түүнд буу сум олж авахад нь тусалдаг байсныг бид тогтоосон гэж Испанийн цагдаагийн газар мэдэгджээ.