Латви Улсад оюутан суралцуулахаар хэлэлцлээ

Боловсрол, соёл, шинжлэх ухааны сайд Л.Гантөмөр  Бүгд Найрамдах Латви Улс /БНЛУ/-аас Монгол Улсад суух Онц бөгөөд Бүрэн Эрхт Элчин сайд Марис Селгаг хүлээн авч уулзлаа. Уулзалтын эхэнд БСШУ-ны сайд Л.Гантөмөр элчин сайд Марис Селгад Монгол улсын урөнхийлөгчид итгэмжлэх жуух бичгээ барьсанд нь баяр хүргээд, цаашдын ажилд нь амжилт хүсэв. Уулзалтын үеэр Талууд хоёр улсын боловсрол, шинжлэх ухаан, технологийн салбарын хамтын ажиллагааг хөгжүүлэх хүрээнд хамтран ажиллах боломжийн талаар харилцан санал солицов. Ялангуяа БНЛУ-д оюутан сургах асуудлыг харилцан дэмжих нь хоёр орны цаашдын хамтын ажиллагаа, улс орны хөгжилд чухал хувь нэмэр болохыг онцлон тэмдэглэлээ.