ТҮЦ-ийнхэн төрөөс дарамтлахгүй байхыг шаардлаа

Нийслэлд ТҮЦ ажиллууж амьдралаа залгуулдаг жижиглэнгийн худалдаа эрхлэгч  иргэд олон нийтэд  хандлаа. Учир нь албан тушаалтнууд АСЕМ-ийн нэрийг барьж, худалдаа эрхлэгчдийг дарамтлах, ажлын байрыг хүчээр ачих, үндэслэлгүй  торгууль ногдуулах зэрэг хууль бус үйл ажиллагаа явуулж эхэлсэн гэнэ. Үүний  эсрэг тэмцэж, эрхээ хамгаалуулахын тулд иргэд  өмгөөлөгч Ц.Монголд хандаж, улмаар Хотын дарга Э.БАт-Үүлд шаардлага хүргүүлж байгаагаа дуулгав.  Ер нь бол жил бүрийн хавар тохижилт хийх нэрийн дор   ТҮЦ-ийг албадан нүүлгэх ажил явагддаг. Тэгвэл Нийслэлийн Засаг дарга Э.Бат-Үүл ТҮЦ ажиллуулдаг иргэдийг хүлээж авч уулзан “Та нарын ажлын байрны тогтвортой хэвийн үйл ажиллагаа яюуулах боломжоор хангаж өгнө” хэмээн амласан байдаг. Үүний тулд нийслэлээс ТҮЦ ажиллуулах журам гаргаж, НИТХ-аас нийслэлийн нутаг дэвсгэрт ТҮЦ ажиллуулах  стандартыг баталсан байдаг. Энэ журмын хүрээнд нийслэлээс баримтлах бодлого нь  эхний  ээлжинд олон жил ажиллаж буй худалдаа эрхлэгчдийг тухайн байршилд нь батлагдсан стандарт загварын дагуу ТҮЦ-ээ шинэчилсэн бол гэрээ байгуулах болсон. Шинээр ТҮЦ ажиллуулах иргэдийг А,Б бүсээс гадна гэр хороолол руу байршуулах гэсэн зарчмыг дүүргүүдэд өгсөн. Гэтэл дүүргүүд үүнийг баримталж, хяналт тавьж ажиллаагүйн улмаас иргэд дуртай гаүраа ТҮЦ байршуулж ажиллуулсан. Ингээд өнөөдөр АСЕМ-ийн уулзалт, түүний бэлтгэл ажил нэрийн дор асуудлыг  хавтгайруулж, иргэдийг газраа чөлөөл, нүү хэмээн  хоморголон  дарамталж, амьдралын баталгааг үгүй болгож  байгааг иргэд шүүмжлэв.