Дурсамж хамтлагийн тоглолтод олон хамтлаг дуучид оролцох нь

“Үнсье”, “Хөөрхөн Бурмаа”, “Илчилж амжаагүй хайр”, “Хайраа олсон” зэрэг олон сайхан уран бүтээлээр фенүүдээ байлдан дагуулсан “Дурсамж”-ийнхан тоглолтоо хийхэд хэдхэн хоног үлдээд байна. Хүнээр бол эрийн цээнд хүрч, иргэний үнэмлэх авах 16 нас хүрч буй тэд “Илчилж амжаагүй хайр” хоёр дахь бие даасан тоглолтоо хийхээр бэлтгэлдээ ороод байгаа билээ.

Тус хамтлагийн “Илчилж амжаагүй хайр” бие даасан тоглолтод урилгаар “Guys”, “Салхи”, “Киви”, “Madness”, “Mr.dogs” хамтлагууд, дуучин ВХ оролцож сонсогч фэнүүдийнхээ сэтгэлд шингэж, ДУРСАМЖ сэдрээсэн дуунуудаараа ая дуугаа өргөх гэж байна.

Ердөө ганцхан удаа тоглогдох уг тоглолт 6-р сарын 3-нд 19:00 цагт ONE EVENT HALL-д болох юм. Түүнчлэн тоглолтын дараа билетээрээ MINT-д таксгүй орох боломж бас бий гэнэ шүү.

Энэ хаврын салхийг хагалсан энэхүү тоглолтын билетийн үнэ 20 000 төгрөг бөгөөд1900-1188 дугаарт залгаж EASY TICKET-ээр үнэгүй хүргүүлэх боломжтой юм байна.